| has gloss | hye: Սլկունիներ, նախարարական տոհմ հին Հայաստանում։ Մովսես Խորենացին տոհմի հիմնադիր ու անվանադիրն է համարում Սլաք նահապետին։ Սլկունիների տոհմական կալվածքն է եղել Մեծ Հայքի Տուրուբերան նահանգի Տարոն գավառը։ Արշակունյաց թագավորության ժամանակ Սլկունիներին հանձնարարվել է Տավրոսի կապանների հսկողությունը և որսապետության գործը։ Ըստ Գահնամակի, Սլկունիները զբաղեցրել են 48-րդ «Բարձը», իսկ Հայոց զորաբանակին տվել են 300 հեծյալ մարտիկ։ IVդ. սկզբին Սլկունիների նահապետ Սղուկը ապստամբել է Տրդատ Բ Մեծ արքայի դեմ և ամրացրել իր Ողական բերդում։ Արքայի հրամանով Մամիկոնյանները գրավել են Ողականը և կոտորել Սլկունիներին։ Այդ ծառայության դիմաց արքունի հրովարտակով Սլկունիների կալվածները շնորհվել են Ողականը դարձել է Հայոց սպարապետի աթոռանիստն ու զորակայանը։ |